Norske styresmakter anbefaler at flest mogleg er førebudde på å klare seg sjølve i ei veke. Dette fordi kommunane og naudetatane må prioritere dei som ikkje klarer seg utan hjelp i ei krise.
Vi lever i ei stadig meir uroleg verd, med mellom anna klimaendringar, krig og digitale truslar. Sjølv om det meste fungerer som det skal i Noreg, må vi vere førebudde på at ekstremvêr, pandemiar, ulukker, sabotasje og – i verste fall – krigshandlingar kan ramme oss.
Korleis vil du og dine nærmaste klare dykk dersom straumen blir vekke i ein lengre periode? Kva gjer du dersom vatnet forsvinn? Kva om du ikkje får handla på ei veke?
Straumbrot kan gjere at det ikkje kjem vatn i springen, og føre til at kloakksystem, medisinsk utstyr, lading av elbil, betalingsløysingar, internett, mobiltelefon, radio, kjøleskap og utstyr til matlaging ikkje fungerer som normalt.
Eigenberedskap handlar om å vere førebudd på slike situasjonar.
God eigenberedskap er ei investering i tryggleik for deg og dine nærmaste. I tillegg bidreg du til at styresmaktene kan prioritere dei som treng mest hjelp.
Ved å vere førebudd for éi veke blir du betre i stand til å handtere alt frå små forstyrringar i kvardagen til større kriser. For ikkje å snakke om at du får betre tid på deg til å planleggje vegen vidare dersom krisa skulle bli langvarig.
Hugs: Litt førebuing er mykje betre enn inga!
Her finn du døme på ting som er lurt å ha heime. Gå gjennom behova dine, og sjå på kva løysingar som er moglege der du bur. Hugs at familie, vennar og naboar kan samarbeide om eigenberedskap. Sjekk lageret ditt med jamne mellomrom.
Norske styresmakter tilrår at flest mogleg er førebudde på å klare seg sjølv i éi veke. Dette er fordi kommunar og naudetatar må prioritere dei som ikkje klarer seg utan hjelp i ei krise.
I brosjyren finn du råd om eigenberedskap og kva førebuingar du kan gjere der du bur. Brosjyren er sendt til alle landets husstandar.
Brosjyren blei sendt med posten i veke 44.
Vi har ikkje noko stort lager av ekstra brosjyrer, og kan ikkje love noko. Dersom du sender ein e-post til trykksak@dsb.no og fortel kva målform/språk du ønskjer, skal vi sjå kva vi kan få til. Brosjyrane finst også digitalt på mange ulike språk. Om du klikkar litt rundt her på sikkerhverdag.no, finn du mykje utdjupande informasjon om eigenberedskap.
Brosjyrane finst også digitalt på mange ulike språk. Om du klikkar litt rundt her på sikkerhverdag.no, finn du mykje utdjupande informasjon om eigenberedskap. Vi har ikkje noko stort lager av ekstra brosjyrer, og kan ikkje love noko. Dersom du sender ein e-post til trykksak@dsb.no og fortel kva målform/språk du ønskjer, skal vi sjå kva vi kan få til.
Reservasjonsretten gjeld reklame, gratisaviser og liknande. Viktig informasjon frå stat og kommune er ikkje omfatta av reservasjonsretten. Difor har du, i likskap med alle andre husstandar i landet, fått denne brosjyren sjølv om du har reservert deg mot reklame.
Du kan sjå alle dei oppdaterte råda her på denne nettsida. Når du klikkar rundt her, finn du meir utfyllande informasjon enn i brosjyren.
